مقال اليوم عن اثر العبادة على الانسان وكيف تؤثر العبادة فى حياة الانسان
ابدأ مع القرآن
عارف يعني إيه ابدأ مع القرآن
يعني اتعب مع القرآن ، جاهد مع
القرآن ، خذ الكتاب بقوة
خذ حفظ القرآن بقوة، خذ تعلم التجويد
بقوة، خذ قراءة القرآن صح بقوة ، خذ
ورد القرآن بقوة ،خذ فهم القرآن و
سماع دروس التفسير بقوة
◻ جاهد في التلاوة
-اقرأ صح و اتعلم ترتيل
– اتعلم تقرأ القرآن بروح المجاهدة ،
سلم قلبك للآية ،كررها و اعرضها
على قلبك .
◻ صلي بالقرآن
◻ اسمع دروس فهم القرآن زي
دروس دكتور أحمد عبد المنعم
استفيد من الناس اللي ما بتتكلمش
غير في فهم القرآن
افهم إن القصة كلها في القرآن
ربيع قلبي و نور صدري
ربيع قلبي الماء
ونور صدري النور
حياة من غير ماء و نور مالهاش أي
لازمة
القصة كلها في القرآن
ابدأ مع القرآن ،مش هيخليك راجل
غيره.
لو قعدنا نموت نفسنا في مواجهة
المواقع الإباحية ،هتحضر ٥٠ درس
وعظي هتخرج تشوف واحدة متبرجة
واحدة بس ،أو تشوف مقطع في موقع
إباحي كل ده هيضيع طيب الحل
إيه
الحاجة الوحيدة اللي هتحرق تأثير
الشهوات ، و تأثير أهل الباطل و اللي
بيعملوه علينا هو القرآن
عشان كدة ربنا قال للنبي لما
المشركين بهدلوه {فَلَا تُطِعِ الْكَافِرِينَ
وَجَاهِدْهُم بِهِ جِهَادًا كَبِيرًا}
جاهدهم بالقرآن
اللي هيغير هو القرآن ، القرآن قوة
تغييرية :
القرآن إعجاز في تغيير النفس
البشرية
القرآن ممكن يغير ضعف
نفوسنا و ضعف العزيمة اللى مالى
حياتنا في العبادة و الدعوة
الشبهات اللى جوا قلوبنا و
الأمراض النفسية اللى عندنا من عجب
و كبر و غرور ممكن القرآن يغيرها
كلام القرآن عن الدار الآخرة له أثر
تغييري رهيب ، تذكر الجنة هيقومك
من أعمق نوم تقيم الليل
القرآن ممكن يغير على المستوى
المجتمعى المدينة كانت أسوأ
قرية في الجزيرة العربية في الغش
التجاري ، سورة المطففين غيرت
طباع مجتمع كامل ، أصبحت المدينة
بعدها أفضل بلد في الكيل إلى يومنا
هذا
لما تمسك المصحف وتجيب
قصص الأنبياء كفاية إنك تلاقي :
في قصة سليمان عليه السلام
دبح ٢٠٠٠٠ فرس عشان عطلته
عن جلسة ذكر
بالآية دى أنت بتتربي على إيد نبي
بتتربي على معانى عالية
سيدنا أيوب يبتلى أشد مرض في
البشرية و ما يدعيش ربنا غير لما
زوجته تقول له كلمة فيها سوء ظن
بالله
يقول ” {أَنِّي مَسَّنِيَ الشَّيْطَانُ بِنُصْبٍ وَعَذَابٍ}
١٨ سنة جسمه بيموت و مستحمل
و ما سبش أوراد العبادة يوم واحد
لكن ماستحملش يسمع كلمة عن ربنا
أنت لو اتربيت على المعاني دى و على
الحب الرهيب ده هتطلع إيه ؟
ربنا بيكلمك في سورة العنكبوت
عن سيدنا إبراهيم و هو بيعمل إيه:-
” وَقَالَ إِنَّمَا اتَّخَذْتُم مِّن دُونِ اللَّهِ أَوْثَانًا مَّوَدَّةَ بَيْنِكُمْ فِي الْحَيَاةِ الدُّنْيَا ۖ ثُمَّ يَوْمَ الْقِيَامَةِ يَكْفُرُ بَعْضُكُم بِبَعْضٍ وَيَلْعَنُ بَعْضُكُم بَعْضًا وَمَأْوَاكُمُ النَّارُ وَمَا لَكُم مِّن نَّاصِرِينَ ”
قالها أمتى ❔
بعد ما خرج من النار ،خارج من النار
بيتكلم عن ربنا ..خارج من النار يشتغل
في الدعوة رغم إنه دخلها بسبب الدعوة
لو اتربيت على إيد سيدنا إبراهيم في
سورة العنكبوت هتتعلم قوة شكلها إيه
عزيمتك هتفرق قد إيه ؟
لازم نؤمن بطاقات القرآن في
التغيير
القرآن آية واحدة ممكن تزلزل
حياتك
