اشعار حامد زيد
شعر حامد زيد المميز
شعر جميل جدا
ان حامد زيد سعدون فارس العازمي كان موظف في وزارة الشوون الاجتماعية في الكويت وحصل على العضوية في ديوانية شعراء النبط
ش
وله العديد من قصايد الشعر من اهمها : ” المباني ”
جابك الله من غياب ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلة وكل جدرانه تتكبد
ماتحمل يترقب شهرين وعيونك بعيده
الله العالم لو انك جيت متاخر ثواني
ماتشوف الا بقايا من حصاه ومن حديده
من عرفتك وانت تايه من مواني لي مواني
وتارك قلبي مولع من وقيده في وقيده
ضاعت سنيني احد بهاليالي وتحداني
وانت ماتشبع غياب ولاتخاف من النقيده
ودي اتحمد لك الله بالسلامه , مامداني
كل ماتوصل برحله تعود برحله جديده
دام تدري كل وجه غير وجه الله فاني
ياخي اكسبلك ثواب وخاف ربك في عبيده
كان فيني عيب قلي:فيني العيب الفلاني
كان هرجي مزعلك في شي قلي:لاتعيده
عيب تصغر في عيوني وانت برقاب الغواني
كيف تستسهل طعوني وانت خابرني وليده ؟
لعنبوك ان مت بيدك من يفكك من اخواني ؟
لحزنوا ربعي على فرقاي شاللي تستفيده ؟
انت منت اللي عشقته انت اكيد انسان ثاني
ليه صرت بهالبرود وبهالاحاسيس البليده ؟
وين حبك للزعل .وين العناد الاولاني ؟
وين حنية زمان وفرحة السن الرغيده ؟
وين ذاك اللي اليا اقبل مايبات الا بماني ؟
وين راح اللي اليا اقفى مايروح الا فقيده ؟
واحد من جابه الله بس يامر ويعصاني
الوحيد اللي اخافه غصب وامشي معه سيده
(مابغيت اطيح بيده) سهل ماربي بلاني
ولا انا لو هي بكيفي (مابغيت اطيح بيده)
ذاك بس اللي يامن جيته يلخبط كياني
اللي بنظره ينشف دم قلبي في وريده
قبل اشوفه اجمع اله احلى القصايد والمعاني
وان لقيته ماعرفت اقول لي جمله مفيده
الف مره قبله اعد القصيده من لساني
ولعنبوه ان جيت عنده ذروة اخربط بالقصيده
امدحه وانا ادري انه لو تباطاني نساني
انطحه وانا اعرفه مجنون وافكاره عنيده
من يسوي بي سواتك يالرهيف الاسمراني ؟
منهو من الناس غيرك غلطته تقوم برفع رصيده ؟
من يقص(جناح طيرك)وانت اعز انسان جاني ؟
ليه اخاف(رماح غيرك)وانت ضرباتك سديده ؟
ان تبعتك .اتبعك من طيبي وواسع بطاني
ولا انا لاجيت اكيد انسان عزالله بكيده
اقدر انزع لك ثيابي والبس ثياب الاناني
واقدر اطلع من عذابي والعب بدورك واجيده
ومستعد اكسب رهاني لو بغيت اكسب رهاني
واخدعك بحساس كاذب واتحدى من يصيده
ابك انا لي شفت خلي حط غيري في مكاني
والله اني لتركه وان صد لعشق سيد سيده
جيت مابيك تحقرني جيت ابيك تعز شاني
جيت ابي فزعة ظلوعك من مشاعرك البليده
خلني داخل (حدودك) واجبر بخاطر زماني
اكذب بباقي (وعودك) واصدق بلحظه سعيده
انتشلني من (برودك) لو تولع بالمحاني
عطني شعور (بوجودك) واخذ كل اللي ترغب في
تكفى واليا قلت :تكفى بيع خلق الله عشاني
لاتضيع من يديني امكانية السن الوحيده
يعلم الله شفت منك ومن غيابك ماكفاني
كان ماتقدر تخفف هم قلبي !! لاتزيده
شف غيابك وش يسوي بالصدور وبالمباني
وانت تدري كيف قد كانت صدمت غيابك شديده
والله انك لو بلغت البيت متاخر ثواني
مالقيت الا بقايا .
” الحلم ”
بـوقـت مــن الـبطا،وبليل تـترقص شـياطينه”
“بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه ”
“وانـا الـلي مـن تـفارقنا وانـا ماغمضت لي عين
غـريـبة!!كل حـلـم يتجاوز بـرقادي تـزورينه”
“والاغـرب..كيف احـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!”
“ونـمت امـس،ورجع نـفس الـمنام اللي قبل يومين
انـا الـلي قـبل اسـافر شـلت قـلبي من شرايينه”
“تـركـته فــي يــدك الامـانه،واحفظيها زيـن
تــرى حفظ الامـانه ديـن..مجبورة تـردينه”
” اجـل ، مـافيه احـد صرح لك((حفظ الامانة دين))؟!
مــرد الـمـقفي بـيـلفي..ويستوفي ،وتـوفـينه”
“بـعـدلـيـلـه،ثـلاثـه،اربعه،عشره،شهر،شهرين
اذا انـتـي ،مـاانتي بـقد الكلام الـلي تـقولينه”
“حـرام…استامنك حـاجة،واذا جـيت اطلبك تنسين
تـخونين،وتبين ارضـى!..واحد يـرضى تخونينه!”
“انـا لاجـيت اخـونك،مع حبيبة ثانيه،((ترضين))!
مـن اول مـارجعت مـن الـسفر ماشفت لك بينه؟”
“وانا اللي كنت احسبك قبل ادوس ارض المطار..تجين
تـكونين انـتي اول شخص عـيني تحتضن عينه”
“وكـنت اتـخيلك مـن زود فـرحة رجـعتي..تبكين
واشـوف بـدمعتك حـكيك..واعرفه قـبل تـحكينه”
“واجـيب احـلى مـن الـلي بتحكينه،واتركك تحكين
تـقـولـيـن:الوطن نـور..واقـول:بـنورمضوينه”
“تـقولي لـي:غديت احـلى،واقول:عيونك الـحلوين
كـــلام نــام بـشـفاهك..وخفتي لاتـصـحينه”
“ذخـرتـيه لـغـرام لـلي يـنام…ويترك تـصحين
تـغـانمتي غـيـابي..لين رجـحـتي مـوازيـنه”
“تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي…فيني مـاتلاقينه!”
“مـهو بـغرور…لكن خـابرك مـالك امـل تـلقين
تـغـافلك بـغلا.والا الـحلا مـهو بـمن زيـنه!!”
“تزينه الصور .بس الصحيح ابن الحلال((زوين))!
وانــا مـاني بـنقاص عـنه يـوم انـك تـبدينه”
“نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه ”
“عـلى قـول الـمثل((ماني حلو..لكني ماني شين))!
اذا اهــداك الـزهر مـره،فانا اهـديتك بـساتينه”
” واذا الـهاك بـفرح لـيله، فـانا تـهت لبكاك سنين
واذا اسـتـضعفتك امـلاكـه…وشتتك مـلايـينه ”
” انـا حـتى فتاة الـخبزة اقـسمها مـعك نصين
طـموحي ،بـس اجـي واظـفر بـشي تـستحقينه”
“تـديـنـتـه،تـسلفته،سرقته،مومهم مــنــيـن؟
كـاني مـن كـثر مـاارضى بـكل الـلي تـمنينه ”
” لـو انـك تـطلبين الله ..يـعنيني، بـقول امـين
انـا مـاالعب عـلى الـحبلين،وقت الطيش وسنينه”
“تـبين الـحين يـوم اني كبرت العب على الحبلين؟!
تـرى عند الـبدو بـالذات((عيب اللي تسوينه))!”
“حـلاتـك لاعـشـقتي..تعشقيني لـيـوم الـديـن
غـرام نـسكن ضـلوعه…حشيمه مـن مـجانينه ”
“جـفـا،يجمع مـعـزتنا…ولاعشق يــذل اثـنين
كـثـار الـلـي تـحـدوني وقـالـولي :تـحبينه”
“امـانـه..لاتخليني صغير بـعينهم ((تـكفين ))
لانـــي كــل مـاقـالوا((تخون))..اقول:مسكينه”
“عـلـيك الله وامـانـه..علميهم مـنـهو الـمسكين
انــا خـايف((لياطاح الـجمل تـكثر سـكاكينه))”
“وانـا مـاعاد بـضلوعي مكان لـطعنة الـسكين
مـثل مـاقالوا(المكتوب ملحوظ مـن عـناوينه((”
“لـو ارحـل مـنك للغربه..بسافر من ظلامك وين؟!
كـفـايه..كل حـلـم يتجاوز بـرقـادي تـزورينه”
“كـفاية…من تـفارقنا..وانا مـاغمضت لـي عـين
قـبل يومين شـفتك بـالمنام وقـمت مـن حـينه”
“ونـمت امـس،ورجع نـفس الـمنام اللي قبليومين
